Латын әліпбиіне көшу – заман талабы
Елбасы Н.Ә.Назарбаев өзінің «Болашаққа бағдар: рухани жаңғыру» атты мақаласында 2017 жылдың соңына дейін тіл білімінің ғалымдарымен бірлесіп бірыңғай жаңартылған қазақ әліпбиінің графикасын құруды
тапсырды. Осы тақырыпта 8-сынып оқушыларымен әңгіме жүргізілді.
«2025 жылға дейін латын әліпбиіне түгелдей көшу жоспарланған. Іс-қағаздар,
мерзімді баспа, оқулықтар латын әліпбиінде басылатын болады. Әрине, жаңа
әліпбиге көшу үшін уақыт қажет. Алайда латын таңбаларымен жазылған сөздерді біз
жиі кездестіреміз: ағылшын, француз, неміс тілдерінен енген сөздерді әрдайым күнделікті
тұрмыста және әлеуметтік желілерде қолданамыз, латын графикасына негізделген ағылшын тілін үйренудеміз» - деп орыс тілі мұғалімі Г.У. Нұрбаева баяндады.
Оқушылар статистика бойынша бүкіл
әлемде халықтардың 80% латын графикасын
қолданатынын білді. Сол себепті заманауи технологияларды меңгеру үшін адамзат
баласы аталған графиканы үйренуге ұмтылғанын атап өтті.